Tiranë (Start) - Ish Ministri i Transporteve, aktualisht Ministër i Punëve të Jashtme, Lulzim Basha ka vetëm një javë kohë për tu paraqitur në Prokurorinë e Përgjithshme lidhur me çështjen e rrugës, Durrës-Kukës. Organi i akuzës ka kërkuar që zoti Basha të paraqitet si i pandehur lidhur me abuzimet që janë bërë me fondet në këtë investim. Burime nga Prokuroria e Përgjithshme bëjnë të ditur se çështja do t’i kalojë Gjykatës së Lartë nëse shefi i diplomacisë shqiptare nuk do të paraqitet përsëri për t’iu përgjigjur pyetjeve.
E çuditshmja e datës 6-7 dhjetor kur edhe Basha duhet të paraqitet pranë organit të akuzës, është se ai gjatë këtyre ditëve ka planifikuare një tur diplomatik që do të zgjas deri pas afatit të përcaktuar nga PP. Në dt. 4 – 5 dhjetor, Basha, do të marrë pjesë në punimet e sesionit të 16-të të Mbledhjes së Ministrave të Punëve të Jashtme të OSBE-së që do të zhvillohet në Helsinki. Në dt. 6-7 dhjetor, Ministri Basha do të marrë pjesë në Konferencën e organizuar në Berlin nga Instituti gjerman Aspen, me temë “Një Dialog i ri Transatlantik: Liderët Gjermanë dhe Amerikanë në Dialog me Ballkanin”.Ai pritet të mbajë një fjalë me subjekt “Rezultatet e Samitit të NATO-s në Bukuresht në kontekstin e procesit të zgjerimit të BE-së në Evropën Juglindore”.
Më dt. 3 dhjetor, pasdite, Ministri Basha, së bashku me kolegë të tjerë do të udhëtojë për në Oslo, ku do të nënshkruajë në emër të Qeverisë Shqiptare, Konventën e OKB-së përNdalimin e Municioneve Thërrmuese, si dhe do të mbajë një fjalë gjatë ceremonisë së nënshkrimit.
Ndërkohë, menjëherë pas akuzave të drejtuara nga Prokuroria e Përgjithshme, Ministri Basha reagoi ashpër ndaj Prokurores, Ina Rama. Ai tha se njerëz te opozites qe jane pjese e prokurorise kane fabrikuar akuzat ndaj tij. Sipas Bashes, elemente te opozites se sotme, kur kane qene ne pushtet kane sabotuar projektin e rruges “Durres-Kukes”, pasi kane pasur plane anti-kombetare.
"Pak pas fillimit të punimeve, Edi Rama nisi sulmin e egër ndaj këtij projekti të shekullit. I ndërgjegjshëm se përfundimi i rrugës Durrës-Kukës kompromenton rëndë të ardhmen e tij politike, ky pinjoll i denjë i Dushan Mugoshës dhe Koçi Xoxes mori stafetën nga ata që për 8 vjet penguan me çdo kusht ndërtimin e rrugës dhe mobilizoi mercenarët e tij për të nxirë dhe përbaltur këtë projekt gjigant. Me një sulm të pastër politik, mercenarët e Edi Ramës dhe ndokujt tjetër brenda prokurorisë morën akuzat e fabrikuara nga zyrat e Edi Ramës dhe i riprodhuan ato, tashmë me stemën e prokurorisë. Ata që rrugën e bllokuan për tetë vjet, pasi e panë se rruga po ndërtohet dhe po bëhet realitet, u vërsulën me akuzat e fabrikuara në zyrën e Edi Ramës kundër rrugës" tha Basha.
Menjehere pas deklarates se Ministrit te Jashtem Lulezim Basha pati reaguar edhe Prokuroria e Pergjithshme. Sipas nje njoftimi per mediat , PP citoi se se “edhe pse pёr jo juristёt eshte pak e vёshtirё pёr t'u kuptuar nё vёshtrimin e parё, na duhet tё shpjegojmё se aktet procedurale tё formuluara tani nga Prokuroria sic eshte ngritja e akuzёs pёr ish-Ministrin e Transporteve, aktualisht Ministrin e Jashtёm, Lulzim Basha, janё akte procedurale dhe jo veprime hetimore, nёpёrmjet tё cilave prokuroria ushtron ndjekjen penale nё pёrputhje me funksionet e saj kushtetuese”.
Vendimi i Gjykatёs sё Tiranёs thote organi i akuzes nuk pengon marrjen e Lulezim Bashes si te pandehur pasi asnjё vendim me karakter penal i njё gjykate tё zakonshme nuk mund tё shtrijё efektet mbi zt. Lulzim Basha pasi ai ёshtё deputet i Kuvendit tё Shqipёrisё dhe kompetencёn pёr tё vendosur pёr njё procedim penal lidhur me tё e ka vetёm Gjykata e Lartё.